بدع نواف بن مسلط العازمي

عقب زان الجو

عقب زان الجو وانخفضت درجات الحرارهزانت نفوس البشر ونفوس موميت السفايف

ويش عذرك يابو نايف وانت مسؤول الوزارهلي ثمان شهور مدري ويش شفت وويش شايف

صرت قايد مهرجان وصاير راع استشارهكل يوم وانت يامحمد علئ الجوال لايف

ناسن قروب البداوه منتمي ل اهل الحضارهجعل منت بسامع من يمهم بعض الخفايف

ولانغبطك لو نشوف انك مع اصحاب التجارهندعمك ونقول مانقبل علئ مثلك كلايف

واحذر الي صار لمعمر ومرسي في ديارهالزمن دوار والكرسي طماعه فالوظايف

كثرت الاصوات وانته حر تكفيك الاشارهلايطيح شداد ريمه وانته وريمه ولايف

حدد الموعد وحطه بين شقراء والفقارهثم نطوي كل شي في ظهر بيض الصحايف

لا تعذر في حضوري عقب ماصدّر قرارهخابرك تقول قدم ولا تلحقها حسايف

ردّ محمد ضيف الله بن سويلم العتيبي

عقب زان الجو جاء مكتوب فحواه البشارةأبشر بنوّاف بن مسلط يغنّي بالطرايف

لي ثمان شهور أعس الدار من قارة لقارةناطحٍ وجه الظروف ولا تهيّبني الحتايف

قصة أبطال الصمود بغصّة أطفال الحجارةلو نسجها المعتصم ما سرّت ملوك الطوايف

والله إني من على خبرك على عرش الصدارةما عليّه لو قلوب المجتمع ماهي نظايف

ما دخلت السوق تفكيري بمردود الخسارةويش أبا في درب ما يطلع على روس النوايف

المناصب والكراسي والمشالح والأمارةما تنقّص من عزيز ولا ترفّع بالضعايف

كثرة الأصوات ما فكّت خفير من الخفارةخل عاد أهل الأشدّة والمصاقيل الرهايف

ودام أبو بندر مجدد رخصته والاستمارةالوعد في قلب داورد الفخر وأم المصايف

والبلاء ماهو حضوري البلاء باب الإدارةكان صك الباب أبو محمّد وش تسوّي بنايف