بدع نواف بن مسلط العازمي

يامحمد ماعلئ الايام والدنيا حسايف

يامحمد ماعلئ الايام والدنيا حسايفوالاجل يومه محدد بالثواني والدقيقة

يولد الانسان فالدنيا ولا يخشئ الكلايفيحسب ان ايام عمره طعمها حالٍ بريقه

مادرئ بأن الليالي ضربها مثل الرهايفمن سلم منها عتق وارتاح ما شي يعيقه

ياوجودي وجد منهو كان ف أعلو النوايففي يدينه بارو الي مايعدون الحقيقه

اوقفو قدمه جموع وكونو ضده طوايفلين طاح ولا له ابوٍ ينهضه ولا شقيقه

فوق منهو صاحب غالي رحل ماهو بعايفبيني وبينه شياطين البشر مثل الحريقة

لين عفت وعاف والخطّر مثل بيض الصحايفمااثرت فيها الطعون الي مضاربها عميقه

والله ان قلبي علئ لاماه شفقانٍ مهايفمثل هتان السحاب الي تعدانا بريقه

والله انه قد ملكني بالجميل الي ردايفوالله ان له في رقبتي دين متني مايطيقه

ومن فقد حضن الامان الي يذري كل خايفمايعوضه لا البعيد ولا القريب ولا رفيقه

ولا يغط الحق رجل جرب فراق الولايفغير شروئ واحد اخلف مساري عن طريقه

واكتشفت ان الحياه مبعثره والعمر زايفوالأجل يومه محدد بالثواني والدقيقه

ردّ محمد ضيف الله بن سويلم العتيبي

صاحبي نوّاف فالمشراف سوّا له طرايف

صاحبي نوّاف فالمشراف سوّا له طرايفعقب بهّر دلّته وأركب على الشعلة بريقه

ما يجيب الا البيوت اللي مثل ضرب القذايفلو تمر اسطول حلف الناتو تروّح غريقة

الزمان أغبر يابو بندر مثل ما أنته بشايفاختلف طبع البنادم والتقاليد العريقة

في طريق الحق ممشانا ولا نرجع نكايفقبل ما نقطع طريق نعرف وشلون الطريقة

خابرٍ قلبك خضر في عشق مومية السفايفوالهوىٰ حتى الضلوع تصير من فعله وريقة

الهوىٰ دربٍ كئيب نهايته ظلم وحتايفلو بداياته سعادة مبهجة في الختم ضيقة

دام لك جرّة على خط الغرابة والنصايفواسمك وختمك موثّق وسط صفحات الوثيقة

خلّك من العبلة ليا مكّة ومرّ المصايفوالا مر فياض نجد اللي غدت مثل الحديقة

لا سلم راسك يابو بندر ترى الباقي خفايفكثرة التفكير ما جابت سوى صداع الشقيقة

اعتزل من حطّوا هروج القفا مثل الوظايفلا فعول تنومس اللابة ولا وجيهٍ طليقة

التردد في عربسات الفضا والبث لايفعالمٍ مشغلهم الشيطان في أحوال الخليقة

والوعد من بيننا بكرة وعطني معك نايفكسرة الروتين يا نواف هيّ أفضل طريقة